| Author |
 Topic  |
|
|
Turtle Song
Aloha
47 Posts |
|
|
Pauline Leland
`Olu`olu
USA
783 Posts |
 Posted - 05/19/2002 : 11:46:29 AM
|
Thanks! 
Great site.
Now maybe I can understand some of the posts here. 
Pauline |
 |
|
|
slackkey
Lokahi
USA
280 Posts |
Posted - 05/19/2002 : 1:10:04 PM
|
Eh wasssssssup Pauline! How'zit Deborah!
So...dakine, how you guys stay li'dat? I wuz at work da uddah day, us guys had dakine, inventory. Some good fun! Nevah have to dakine worry 'bout handling da custamas az why.Hohh... az dakine days we jus count stuffs li'dat. Come 9:00 o'clock we go break! Eat McDonald's egg-mac-muffin! Drink juice, sodah and coffee. Eh, we wala'au, crack jokes, make fun of each'uddah, and jus kick-back!
How's da weddah in da Mainland? Dakine! Deborah! What place you live? Anyways, da weddah ovah hee-yah stay ray-nin! Auwe!....I jus wen wash 'kah too li.dat! Ah kah poh hoh.....only waste 'kah-wash! Da tempah'cha wus small-kine cold, dakine enough fo use one 'tick comfatah fo stay warm li'dat.
"K-den....I going go! Goddah feed my maka.....I stay ono fo kau kau az why, bum-bye I no-mo 'enagee fo go holo holo, and do stuffs li'dat. Eh you Wahine's take kay-yah "K"! I spock you guys la'tahs. No-fo-get practice da Pidgin! Uddawise...jam up! Heh heh heh....Take kay-yah!
slackkey 
|
|
|
|
slackkey
Lokahi
USA
280 Posts |
Posted - 05/19/2002 : 8:07:01 PM
|
Eh Braddah Jay! Wasssssssup!
Cuz....I wen grind my dakine Loco-moko at home li'dat.....Dat way wuz free eh! But wen us guys wen go inventory da uddah day, da Boss wen offah fo go buy at Micky D's! Eh brah....fo free...shoots!
So how da local grinds ovah dey-yah Brah? Wat da weddah like in Washington? Cuz....stay nice ovah hee-yah....I stay live Maui li'dat. Brah I stay only one short away from da beach!
Dis morning Brah....Moana was some nice! So wen go dive li'dat. Pick-up some he'es, maninis, one good size palani, but I wen loose one kumu....oh well! Sometimes az how! Main 'ting nevah white-wash eh!
So wat, you wen get chance fo kanikajammapila with da Braddahs and Sis'tahs in Washington? Eh, main 'ting get time fo 'JUS PRESS. Before I came online, I wuz in da palah playing my kika. I get one Martin 0-21. Wuz my Fadah's Fadah's one beefoh...Az one 1947 model.
Bum-bye wen we head up dat way again, I going try connect with all you slackers up mainland. But az one big wen! "K"-den...I going go.....I heeyah my honey stay calling me fo kau kau. Eh! bum-bye I catch you la'tahs! Take care my Braddah! A Hui Hou, and 'JUS PRESS......
slackkey (Bill)
|
|
|
| |
Topic |
|
|
|
Topic Locked
