| Author |
 Topic  |
|
Peter Medeiros
`Olu`olu
546 Posts |
 Posted - 06/09/2008 : 5:42:07 PM
|
| Eh Wanda we neva fogetchoo. But we stay drownin ovah hea. I wen make won mistake n call Menpachi Man won babooze, but I neva wen calim won babooze babooze. Da braddah stay tankin n we hadda go savem lidat. Waz frenly fire anden. |
 |
|
|
wcerto
Ahonui
USA
5052 Posts |
Posted - 06/09/2008 : 5:45:50 PM
|
| Long as Glenn drinkin beeyah, axe him fo tell obake storeh from Big Island. |
Me ke aloha
Malama pono,
Wanda |
|
|
|
wcerto
Ahonui
USA
5052 Posts |
Posted - 06/09/2008 : 5:48:47 PM
|
| Besides, Glenn one smaht guy, all da kine phD stuffs. An can do all da kine martial arts kine stuff kicking way high in da ayah and one tigah form, yeah? In good shape for old fut. Ooops. Didn't mean fo use dat word. E kala mai. |
Me ke aloha
Malama pono,
Wanda |
|
|
|
ypochris
Lokahi
USA
398 Posts |
Posted - 06/10/2008 : 03:03:46 AM
|
Dat hunred-fifty poun puhu da buggah wen speah- fo what? He goine kaukau? Puhi kea stay ono, but da morey junk.I tink he jus like make da puhi cause stay nui- mebbe get one pitcha in da Hawai'i Fishing News. Den goine chuck um in da bay.
Das jus sad. One beautiful animal, make fo noting. Wen I see da buggahs wi one record in da Fishing News, I like tro um in jail already. Da i'a nui stay make all da keiki. Big ones, leave um fo breed. Small kine, leave um fo grow. In between kine, das da one. Grine um!
Chris
|
|
|
|
Peter Medeiros
`Olu`olu
546 Posts |
Posted - 06/10/2008 : 07:17:53 AM
|
quote:
Originally posted by guavasunrise
Dass da kine stuffs I raddah be thinking about when dey finally lock me up in da home fo da mentally guitarded.
Eh Braddah wotchoo mean wen dey lock you up in da home fo da mentally guitarded? You wen look aroun lately? You already dea. |
|
|
|
Peter Medeiros
`Olu`olu
546 Posts |
Posted - 06/10/2008 : 09:30:51 AM
|
I jez wen drop my dawda lidat at werk n I com bac to dis. Sheesh!
Touche (eh how you make dat funny e?), Eh you one sly bugga you? I no I wen make won rude comment anden you wen invite yourself ova? Guess what? No way Jose – chai wait, I gotta be mo poilitically correc – What you sed ? Ed. Hahh?? My wife goin say eh get enuff crazy guyz ova hea. Anden Kaneohe girl she gonna kick my azz up and down da road. Naddas, no way brudda, been dey done dat. Da pain, da pain, da pain… eh go chai look get da pain flying ova da house to K-Bay.
Eh I gotta go dentis dis morning. I com to da pot in life wea I stahting fo get niho`ole. You no I comin jez like Popeye, wen I eat da soup, da soup leak outta da space wea da toot used to be on da bottom side yeah. Gotta eat da soup twice az fas now. Gotta go town. Latahs.
|
|
|
|
Mika ele
Ha`aha`a
USA
1493 Posts |
Posted - 06/10/2008 : 11:52:54 AM
|
| Youz guys one funny buggas! |
E nana, e ho'olohe. E pa'a ka waha, e hana ka lima. |
|
|
|
Mika ele
Ha`aha`a
USA
1493 Posts |
Posted - 06/10/2008 : 11:54:37 AM
|
Hey Peta!
Wen ken I ax you fo teach me Ulili'E? |
E nana, e ho'olohe. E pa'a ka waha, e hana ka lima. |
|
|
|
wcerto
Ahonui
USA
5052 Posts |
Posted - 06/10/2008 : 11:59:20 AM
|
| Hacome you Hawai`i guyz, you manly men guyz, pride yosef bout cookin da ono grinz? Is that anthropoligical holdover from da kapu dayz? I nava seed no Hawaiian women brag about cookin kaukau. Only me and Nani talk about cookin. Oh, yeah lilabit Momi bout chocolate haupia. Duke wot yo daudahs cook? Jay wot Rizalina cook? Peter, how bout yo wife? Or in Hawai`i do only da men cook? Got Sam Choy. Got Roy Yamaguchi. Got Chai, etc. Don't see no Hawaiian Paula Deene or Cat Cora or even Julia Child or Rachael Ray. Hacome? I think must be some Hawaiian ethnic thing. |
Me ke aloha
Malama pono,
Wanda |
|
|
|
Peter Medeiros
`Olu`olu
546 Posts |
Posted - 06/10/2008 : 12:05:44 PM
|
Why you comin ova hea? Chai wait ah. I gotta check out Ed. He iz mo sharp den I tot. Bruddah get moves. But I wazn’t bon yestaday. I wen recognotis his WARCA (for da uninitiated -- Wize Azz Remahk Counta Ansa). It waz close dis moning I tal you, bud I took lesson from da Greatest yeah, Ali. I no how fo weave like won spidah n duck like won duck.
Anyway I can but we just got to figure out the logistics. Send me an email. |
|
|
|
Peter Medeiros
`Olu`olu
546 Posts |
Posted - 06/10/2008 : 12:08:00 PM
|
quote:
Originally posted by wcerto
Hacome you Hawai`i guyz, you manly men guyz, pride yosef bout cookin da ono grinz? Is that anthropoligical holdover from da kapu dayz? I nava seed no Hawaiian women brag about cookin kaukau. Only me and Nani talk about cookin. Oh, yeah lilabit Momi bout chocolate haupia. Duke wot yo daudahs cook? Jay wot Rizalina cook? Peter, how bout yo wife? Or in Hawai`i do only da men cook? Got Sam Choy. Got Roy Yamaguchi. Got Chai, etc. Don't see no Hawaiian Paula Deene or Cat Cora or even Julia Child or Rachael Ray. Hacome? I think must be some Hawaiian ethnic thing.
Wanda,
Not won hangova from da ol daze. We like eat good. |
|
|
|
hapuna
Lokahi
USA
159 Posts |
Posted - 06/10/2008 : 2:29:35 PM
|
quote:
Originally posted by Peter Medeiros
quote:
Originally posted by wcerto
Hacome you Hawai`i guyz, you manly men guyz, pride yosef bout cookin da ono grinz? Is that anthropoligical holdover from da kapu dayz? I nava seed no Hawaiian women brag about cookin kaukau. Only me and Nani talk about cookin. Oh, yeah lilabit Momi bout chocolate haupia. Duke wot yo daudahs cook? Jay wot Rizalina cook? Peter, how bout yo wife? Or in Hawai`i do only da men cook? Got Sam Choy. Got Roy Yamaguchi. Got Chai, etc. Don't see no Hawaiian Paula Deene or Cat Cora or even Julia Child or Rachael Ray. Hacome? I think must be some Hawaiian ethnic thing.
Wanda,
Not won hangova from da ol daze. We like eat good.
Plus don't forget often! |
hapuna
Seattle |
|
|
|
thumbstruck
Ahonui
USA
2168 Posts |
Posted - 06/10/2008 : 3:37:37 PM
|
| Eh, Wanda! You know dat not errybody get 20/20 vision. Same t'ing li'dat: not errybody get 20/20 tas'ebuds! While my whole family stay eating, dey stay talking about what dey stay goin' cook da nex' time. We get family doings at my cousin's house, errybody wen' bring appetiza, den she wen' cook roast beef (ya, us guys get beef, no ack! - jus' get in line!) an' turkey. I wen' tell my cousin, "Eh, Cuz, get too much. We get full jus' on da appetizas an' desserts!" Nex' time was da same only get roast beef, turkey and one ham. Choke desserts, an' get bratwrst on da grill! Not to mention pickled herring, lefse (Scandihoovian potato tortilla packed wit' butter an' sugar--ono wit' coffee) an li'dat. US GUYS GET 20/20 TAS'EBUDS! 'Azz why we need da aprons, foa catch da drippings! |
|
|
|
ypochris
Lokahi
USA
398 Posts |
Posted - 06/11/2008 : 03:58:53 AM
|
I kno couple wahine can cook, but mos stay kane, is true. When I stay work, my wife, she get hungry, she call me an say is time fo come home, make me dinner. She wen foget how fo boil watah for her tea- if I no make um, she drink Pepsi. If I no stay aroun, an no moa snack kine food in da hale, she goine ordah out.
Befoa time, used to know how fo make some kine stuff- microwave one chicken breast wi some frozen corn o somting. But aftah ten yeah wi me, she wen foget how.
Long time befoa, da kane cook fo da kane, an da wahine cook fo da wahine- so no kine cultural reason fo wahine no kno how fo cook. Jus li my wife, if da kane like cook, den no need, yes? So no boddah. Me, I like um da way I like um, so I make um. Den eat out o wi my frens fo get new idea.
Corse, my wife, she like um da way she like um too. She ordah jus like in one resturaunt- "I like dis, an put in dis and dat, and no do dis..." Me, I stay akamai, so I make um jes lidat fo her, and if I like somting different, I make um how I like um fo me.
"An garans balbarans if you give one braddah one recipe it aint gonna stand pat,"
Das anotah ting dive my wife lolo- I nevah goine make da same ting two time da same way. Every time I goine cook goine be one experiment. An measuring cup? I no moa! I jes eyeball um. Ho, my muddah in law she like cry when I wen make da wedding cake wi no moa recipie, no moa measuring cup, an no moa plan fo decorate, but da buggah stay moa ono (an moa beautiful) den any wedding cake she eveah when eat- ten layahs if you count careful, an every layah stay different kine...
 |
|
|
|
Peter Medeiros
`Olu`olu
546 Posts |
Posted - 06/11/2008 : 06:36:37 AM
|
| Today no mo clouds ova da Koolau n nomo win, da sun stay comin up ova da bay, da wada look like won mirror, get zero tide but da tide stay comin in, n da surf is 3 to 5 in town. Gotta go Windward mall, Macy’s get won big Kamehameha day sale my wife wen clip da coupons n we goin be poorer by da end a da day but it looks like itz gonna be one nada good day in Hawaii Nei. Watchoo guyz doin? |
|
|
|
Topic |
|
|
|
Is Posting In "Broken English" a turn off?
